गाेर्खा फुटबल क्लब न्युजिल्याण्डद्वारा च्यारिटि साे सम्पन्न

गाेर्खा फुटबल क्लब, न्युजिल्याण्डले अक्ल्याण्डकाे हलिउड सिनेमा हलमा “च्यारिटि साे” उल्लेख्य दर्शककाे उपस्थितमा सुसम्पन्न गरेकाे छ । नेपाली युवा, विद्यार्थीहरु र संघर्षशील खेलाडीहरुकाे बाहुल्य रहेकाे गाेर्खा क्लबले २२ जुन २०१९ पछि याे दाेस्राे पटक च्यारिटि साे २ नोभेम्बर २०१९ आयोजना गरेकाे हाे ।

फाेटाे: सञ्जय शान्ति सुबेदी

उक्त कार्यक्रमलाई ट्राभल कर्नर, सेभ.ईन्टरनेसनल , बारफुट एण्ड थम्पसनका सुवाश श्रेष्ठ, हिमालयन ईमिग्रेसन, ईगल आई लिमिटेड, एभरेष्ट डाईन,  माउन्ट एभरेष्ट किचन, तामा ईटेरी, ओलिभ ईन्डाे-नेपाली ईटेरी, थाई किचन टेकअवे तथा फिसटेल रेष्टुरेन्टले प्रायाेजन गरेका थिए । त्यस्तै गैर आवासीय नेपाली संघ, न्युजिल्याण्ड, न्युजिल्याण्ड नेपालिज एसाेसिएसन, न्युजिल्याण्ड नेपाल साेसाईटी, खुकुरी फुटबल क्लब तथा नेपाल राईनाे क्रिकेट क्लबहरुले विभिन्न प्रकारका सहयाेग प्रदान गरेका थिए । टिकटिङमा भने aafnoticket.com ले सहयाेग गरेकाे थियाे । १५ वर्ष भन्दा मुनिका सबै बालबालिकाकाे टिकट भने न्युजिल्याण्ड नेपाल साेसाईटीले गरेकाे थियाे ।

NZNepal.com सङ्गकाे संक्षिप्त कुराकानीमा क्लबका अध्यक्ष श्री नेत्र बस्यालले गाेर्खा क्लबलाई यस कार्यक्रम र यहाँसम्म पुर्याउन सहयाेग गर्नुहुने सम्पूर्ण सहयाेगकर्ता, समर्थक र अन्य सम्पूर्ण न्युजिल्याण्डबासी नेपालीलाई सर्वप्रथम धन्यबाद तथा आभार प्रकट गर्नुभयाे । साथै याे “च्यारिटि साे” ले क्लबलाई आर्थिक रुपमा सबल बनाउनु मात्र नभएर नेपाली चलचित्र, नेपाली भाषा र संस्कृतिलाई पनि प्रबर्धन गर्ने विश्वास भएकाे बताउनु भयाे । कार्यक्रमप्रतिकाे प्रतिक्रिया दिनेक्रममा  गैर आवासीय नेपाली संघ न्युजिल्याण्डका सदस्य श्री बिष्णु कुमार बस्नेतले यस्ता कार्यक्रमहरुले प्रवासमा रहेर पनि मातृभूमीसङ्ग जाेडिन टेवा पुग्ने  भएकाले यस्ता कार्यक्रम भविष्यमा पनि आयाेजना भईरहनुपर्ने बताउनुभयाे । अर्का सहभागी तथा न्युजिल्याण्ड नेपाल साहित्य समाजका अध्यक्ष श्री सञ्जय शान्ति सुवेदीले यस्ता चलचित्र वा नेपाली कार्यक्रमहरुले नेपाली भाषा, साहित्य, कला र नेपालीपनलाई मलजल एवं विकास गर्न मह्त्वपूर्ण याेगदान गर्ने विचार व्यक्त गर्नुभयाे ।

Source: http://www.nznepal.com/2019/11/22848

न्युजिल्याण्डकाे ह्यमिल्टनमा नेपाली चलचित्र प्रदर्शन

नोभेम्बर ६, २०१९ | सञ्जय शान्ति सुवेदी

गाेर्खाली क्लब ह्यामिलेटनले ३ नाेभेम्बर २०१९मा न्युजिल्याण्डकाे ह्यमिल्टनमा क्लबकाे आर्थिक सहयाेगार्थ नेपाली सुपरहिट चलचित्र “कबड्डी कबड्डी कबड्डी” काे प्रदर्शनी गरेकाे छ । क्लबले सम्पूर्ण दर्शक, प्रायाेजक, स्वयंसेवी तथा सम्बन्धित सबैप्रति आभार प्रकट गर्नुका साथै दर्शककाे उल्लेख्य उपस्थिति रहेकाे उक्त कार्यक्रम सफल रहेकाे आयाेजकले जनाएकाे छ । कार्यक्रमलाई सम्पन्न गर्न क्लबले भरपुर प्रयास गर्नुका साथै नेपाल न्युजिल्याण्ड वाईकाटाे फ्रेण्डसिप साेसाईटिले पनि याेगदान गरेकाे थियाे । साथै विभिन्न व्यक्ति र व्यवसायिक संस्थाहरुकाे पनि सहयाेग रहेकाे छ । कार्यक्रमलाई के.सी ग्रुप लिमिटेड, जे. डि. क्लिनिङ सर्भिसेज, स्टार्ट अफ ईन्डिया, ईगल आई लिमिटेड, सुप्पर प्राईस फर्निचर तथा वेलकम ईन्डियन टेक अवे ले प्रायाेजन गरेका थिए ।

२०१४ मा स्थापना भई विभिन्न खेलकुद प्रतियाेगिता, “ईथ्निक कप” , तेञ्जिङ-हिलारी कप, फुटसल टुर्नामेन्ट लगायतका प्रतियाेगितामा आफ्नाे सहभागिता जनाउदै आएकाे गाेर्खाली क्लब अन्य सामाजिक काममा पनि उत्तिकै समर्पित रहेकाेछ । क्राईस्चर्चमा भुकम्पले पुर्याएकाे क्षतिप्रति अति संबेदनशील हुँदै त्यहाँका पिडितकाे सहयाेगार्थ क्लबले “सेभेन-साईड ” एक दिवसीय प्रितियाेगिता आयाेजना पनि गरेकाे थियाे । स्थानीय सतरमा रहेकाे नेपाली संस्था नेपाल न्युजिल्याण्ड वाईकाटाे फ्रेण्डसिप साेसाईटि तथा अन्य संस्थाहरुसगँ सहकार्य एवं सम्पूर्ण नेपालीहरुलाई समेट्दै विविध क्षेत्रमा पनि यस क्लबले सामाजिक कामहरु गर्दै आएकाे छ ।

युवा-विद्यार्थीहरुकाे बाहुल्य रहेकाे उक्त क्लबकाे क्याप्टेन एलेक्स पाण्डे हुनुहुन्छ भने डा. चन्द्र पाैड्याल, सुरेन कार्की, बाल तिमिल्सिना, प्रशन्न कायस्थ तथा अशाेक कंडेलकाे व्यवस्थापकीय भूमिका रहेकाे छ ।

Published in: http://www.nznepal.com/2019/11/22861